Pas vizitës që këtë javë e zhvilloi në Beograd, administratorja e Agjencisë Amerikane për Zhvillim Ndërkombëtar, Samantha Power, do të qëndrojë për vizitë edhe në Kosovë.
Ajo të premten do të pritet nga kryeministri Albin Kurti. Shefen e USAID-it, Kurti do ta presë bashkë me ministren e Ekonomisë, Artane Rizvanolli.
Së bashku, siç njofton ekzekutivi do të shpallin ankandin e parë për parkun me energji solare me kapacitet prej 100 MW.
Gjatë qëndrimit në Beograd, Power tha se normalizimi i marrëdhënieve në mes të Kosovës dhe Serbisë kërkon guxim politik dhe se kjo do të sillte përfitime ekonomike.
Ajo paralajmëroi mbështetje të fortë nga SHBA-ja për hapat e ardhshëm të dialogut në javët në vijim.
Artikuj të ngjashëm
-
Prattipati i kërkon Kurtit angazhim për paqe dhe rritje të investimeve
-
Kurti thotë se Kosova ka gatishmëri për bashkëpunim më të afërt me SHBA-në
-
Serbia paralajmëron ofensivë diplomatike kundër Kosovës në OKB
-
Prattipati: Mundësitë për bashkëpunim në mbrojtje e energji janë të pakufishme
-
Kosova synon thellim partneriteti në siguri e mbrojtje me SHBA-në