Shefi i Misionit të OSBE-së në Kosovë, Michael Davenport, ka reaguar për vrasjen e gruas në Prishtinë, Liridona Ademaj-Murseli.
Ai ka thënë se është i tronditur nga rasti, veçanërisht në ditët kur në po shënohet aktivizmi kundër dhunës në familje.
“I tmerruar nga një rast tjetër i vrasjes së gruas në afërsi të Prishtinës, ndërsa shënojmë 16 ditët e aktivizmit kundër dhunës në familje. Thirrje zgjimi për të gjithë ne”, ka shkruar Davenport në platformën X.
Liridona Ademaj-Murseli u vra më 29 nëntor në fshatin Sinidoll. Fillimisht u tha se ishte pasojë e një plaçkitjeje, e dy ditë më pas Policia ka arrestuar tre persona të dyshuar si të përfshirë, në mesin e të cilëve bashkëshortin e saj, Naim Murseli.
Naim Murseli, i arrestuar të premten, ka deklaruar në Polici se ka paguar për vrasjen e gruas së tij. Dorasi ka thënë se Murseli ia premtoi 30 mijë euro.