Inspektorati Qendror i Mbikëqyrjes së Tregut (IQMT), në koordinim me Prokurorinë e Shtetit, Policinë dhe Doganën, ka realizuar të premten aksion të gjerë inspektimi te operatorët ekonomikë që tregtojnë metale të çmuara në rajonin e Pejës, duke sekuestruar 45 kilogramë ari. Në bursën ndërkombëtare, një sasi e tillë ari shkon afër 7 milionë euro.
Sipas njoftimit të Ministrisë së Industrisë, Ndërmarrësisë, Tregtisë dhe Inovacionit, qëllimi i këtij operacioni ishte verifikimi i ligjshmërisë së tregtimit, prejardhjes së metaleve të çmuara dhe respektimit të standardeve teknike sipas legjislacionit në fuqi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGjatë kontrolleve në terren, sipas njoftimit, inspektorët dhe zyrtarët e institucioneve pjesëmarrëse evidentuan shkelje të rënda ligjore.
“Ndalim i përkohshëm i mallrave – IQMT ndaloi mbi 20 kg ari të paverifikuar dhe pa shenjëzuar nga Agjencia e Metrologjisë së Kosovës. Kjo sasi do të mbetet e bllokuar deri në përfundimin e procedurave ligjore. Sekuestrim i metaleve të çmuara – Janë sekuestruar mbi 25 kg punime të ariut dhe metaleve të tjera të çmuara, për të cilat operatorët ekonomikë nuk kanë prezantuar dokumentacionin e nevojshëm mbi prejardhjen”, thuhet në njoftim.
IQMT-ja thekson se tregtimi i metaleve të çmuara pa shenjëzim nga Agjencia e Metrologjisë dhe pa dokumentacion të rregullt përbën shkelje të rëndë dhe të ndëshkueshme. Inspektorati paralajmëron se kontrollet do të vazhdojnë me intensitet të lartë në të gjithë territorin e Kosovës, dhe çdo parregullsi do të ndëshkohet sipas ligjit.