Rregullorja e KPK-së që do të shërbejë për parandalim të keqpërdorimit të parave

Për herë të parë, Këshilli Prokurorial i Kosovës ka miratuar rregulloren e veçantë për menaxhim të shfrytëzimit të teknologjisë së informacionit dhe komunikimit në sistemin prokurorial.

Përmes kësaj rregulloreje, pritet menaxhim më i mirë i pajisjeve softuerike, sistemit të shërbimeve të internetit dhe shërbimeve të postës elektronike, raporton KTV.

Sipas kryetarit të Komisionit për çështje normative, Bahri Hyseni, kjo rregullore do të mundësojë parandalimin e keqpërdorimit të mjeteve nga stafi për interesa personale.

Këshilli po ashtu ka vendosur ta obligojë stafin për ndjekje të trajnimeve dhe vënien në zbatim të projektit SMIL, i cili do t’i kalojë të dhënat e prokurorisë nga sistemi manual në atë elektronik.

Në rast se nuk respektohen dispozitat, komisioni është thënë se do ta dërgojë në komision disiplinor stafin administrativ.