Richardson i shkruan Kurtit: Do të bashkëpunojmë në luftën kundër pandemisë

Koordinatorja për Zhvillim e Kombeve të Bashkuara, Ulrika Richardson, ka uruar Albin Kurtin për marrjen e detyrës si kryeministër i Kosovës.

Richardson i ka shprehur Kurtit gatishmërinë që ekipet e Agjencive të Kombeve të Bashkuara nën kryesimin e saj, të punojnë për së afërmi me të dhe kabinetin qeveritar si dhe institucionet e formuara për zbatimin e Kornizës për Zhvillim të Qëndrueshëm të KB-së (2021-2025).

Ka shtuar se bashkëpunimi do të vazhdojë luftën kundër pandemisë COVID-19, por gjithashtu do të rinovojë përpjekjet për të përshpejtuar rezultatet në avancimin drejt qëllimeve për Zhvillimin e Qëndrueshëm.