Ditën e sotme janë rikthyer reshjet e borës në disa pjesë të Shqipërisë, teksa në disa akse ka pasur probleme në qarkullimin e mjeteve.
Reshje me intensitet ka pasur edhe në “bypassin” e Murrizit pjesë e rrugës së Arbrit, ku vazhdon të ketë probleme me qarkullimin e automjeteve.
Për mbajtjen hapur të qarkullimit janë vendosur në dispozicion dy borëpastruese nga firma që ndërton rrugën e Arbrit.
Reshjet kanë nisur edhe në Bulqizë e Dibër, por nuk raportohet të ketë probleme sa i përket qarkullimit të automjeteve.
Policia Rrugore e Qarkut Dibër këshillon drejtuesit e automjeteve që përdorin aksin e rrugës së Arbrit në drejtim të Tiranës apo anasjelltas, të jenë të pajisur me goma dimërore dhe të mbajnë me vete antirrëshqitës, pasi nëse reshjet vazhdojnë me intensitet mund të ketë probleme në orët në vijim. /OraNews
-
Reshjet e shiut shkaktojnë vërshime në disa zona
-
Policia apelon për kujdes në trafik për shkak të motit
-
Rrugë të akullta pas reshjeve
-
Komuna e Prishtinës bën thirrje për kujdes: Reshjet e vazhdueshme po vështirësojnë situatën
-
Reshjet e borës shkaktojnë vështirësi në qarkullimin rrugor në Kosovë e rajon