“Nëse bashkësia ndërkombëtare vazhdon të kërkojë që Kosova të bëhet me ushtri, atëherë duhet që të realizohet kthimi i ushtrisë së Republikës Serbe. Forcat e armatosura të Bosnjë e Hercegovinës nuk i ndihmojnë asgjë Republikës Serbe”.
Me këtë deklaratë kryetari i RS-së Milorad Dodik sërish ka aktivizuar tregimin për formimin e mundshëm të forcave të armatosura që do të ishin nën komandën e Banjallukës, transmeton Koha.net.
Anëtarja e Komisionit për Mbrojtje e Siguri e Kuvendit Dushanka Majkiq për gazetën e Beogradit "novosti", ka thënë se ideja e Dodikut nuk është joreale. Ajo si parakusht për formimin e ushtrisë së RS-së përmend unitetin politik.
Predrag Qeraniq, dekan i Fakultetit për siguri në Banjallukë ka thënë se RS mund të ketë ushtri porse, sipas tij, problem është kuti i dyfishtë i bashkësisë ndërkombëtare :
“Në njërën anë është përpjekja e Kosovës që të bëhet me ushtri e ajo nuk është me marrëveshjen në Bruksel, ndërsa në anën tjetër në marrëveshjen e Dejtonit shkruan se RS mund të ketë ushtri, porse kjo nuk lejohet. Nëse vazhdojnë presionet e bashkësisë ndërkombëtare që Kosova të bëhet me Ushtri, atëherë nuk shoh arsye që edhe Republika Serbe të bëhet me ushtri”.
-
Dodik: Nuk e duam Bosnjën siç është tani, do ta formojmë ushtrinë e Republikës Serbe
-
Dodiku u bën thirrje serbëve ta mbrojnë Republikën Sërpska
-
Republika Sërpska e miraton një draft të kushtetutës së re për ta përcaktuar atë si shtet
-
SHBA-ja, BE-ja e Britania i përgjigjen Dodikut, thonë se ndarja e Bosnjës s’është e mundur
-
Jostabiliteti në Bosnje dhe ndikimi i tij në Kosovë dhe më gjerë