Zëvendësministri i FSK-së, Burim Ramadani, thotë se pas shndërrimit në një forcë të armatosur, FSK-ja do të kalojë nëpër 3 faza në 10 vitet e ardhshme.
I pyetur për numrin e ushtarëve dhe rezervistëve që Forca do të ketë, Ramadani u përgjigj se FSK-ja do të ketë 5 mijë pjesëtarë aktivë, e 3 mijë pjesëtarë rezervë, raporton rtv21.
Sipas zëvendësministrit ekziston një plan i rekrutimit i vazhdueshëm, që do të ndodhë gjatë 10 viteve në vazhdim.
Ai tha se ekziston një plan i rritjes së buxhetit të FSK-së. Sipas tij rritje të buxhetit do të ketë për secilin vit, porse jo të gjitha të ardhurat varen nga buxheti i FSK-së.
Ai përmendi edhe donacionet e shumta që vijnë nga shtetet partnere, duke pasur marrëveshje bashkëpunimi me 14 shtete të ndryshme, ku të gjitha nga to japin donacione në forma të ndryshme, qofshin trajnime, shkollime apo edhe pajisje.
-
Këtë fillimvit nis rekrutimi i gjeneratave të reja që i bashkëngjiten FSK-së
-
Ramadani thotë se Ushtria e Kosovës është e gatshme të bashkëpunojë edhe me atë të Serbisë
-
Zëvendësministri i FSK-së beson se ushtria do të bëhet me ndryshime kushtetuese
-
Maqedonci: Faza e furnizimit të FSK-së me helikopterë nis nga viti i ardhshëm
-
FSK-ja “në hap me planin për transformim në ushtri”