Kryesuesi i Komisionit Qendror të Zgjedhjeve, Kreshnik Radoniqi, ka ftuar të gjithë qytetarët të dalin të votojnë dhe ka bërë thirrje për një proces të qetë e demokratik.
Radoniqi ka dhënë detaje edhe për votimin nga diaspora.
“Tashmë i kemi të dhënat edhe për Amerikë e Kanada. Diku mbi 15 mijë kanë votuar në përfaqësi diplomatike atje. Çdo gjë është gati. KQZ-ja është në detyrë e shpresojmë për një ditë festive”, tha Radoniqi pasi votoi në Pejë.
Ai ka treguar edhe për telashet që ka pasur me shënjesuesin e gishtit.
“E vërteta është që kompania kontraktuese fillimisht na furnizoj me ngjyrë që është fshirë. Por, pasi komisioni vlerësues e vërejti me kohë, i ktheu markerat dhe kompania na siguroi markera të rregullt”, tha Radoniqi.
Sa i përket për transportimin e votave nga Kroacia, Radoniqi ka thënë se bëhet fjalë për rreth 30 vota.
Edhe
Radoniqi: Qytetarët ta shfrytëzojnë të drejtën e votës
Ai ka thënë se gabimi është bërë që nuk janë respektuar procedurat dhe vëzhguesit nuk ishin njoftuar kur u tërhoqën, por se personat që tërhoqën votat ishin të autorizuar.
“Do të ketë rekomandim të sekretariatit dhe në bazë të rekomandimit do të marrim vendim në KQZ”, tha Radoniqi.
VV-ja feston, opozita e kënaqur me rritjen
-
Dalje më e ulët deri në orën 15:00, krahasuar me zgjedhjet e dhjetorit
-
Radoniqi: Votimi filloi me kohë - s’ka ndryshim në rregullat për qytetarët që s’dinë shkrim-lexim
-
Radoniqi kërkon nga zyrtarët e qendrave të votimit të garantojnë dhe mbrojnë vullnetin e qytetarëve
-
Radoniqi bën thirrje për dalje në votim dhe respektim të Ligjit të zgjedhjeve