Qytetari dënohet për shkelje të masave anti-COVID, thotë se po përdoren standarde të dyfishta

Një qytetar është ankuar se Policia e Kosovës është duke përdorur standarde të dyfishta në rastet e dënimeve ndaj personave që shkelin masat anti-COVID.

Admir Daku ka treguar se është dënuar së bashku me një shok për shkak se nuk kishte maskë në veturë. Mirëpo, këto veprime i ka cilësuar si jokushtetuese, duke përmendur se subjektet politike nuk po dënohen kur po thyejnë masat anti-COVID në tubime me qytetarë.

“Sado ligjore, aspak kushtetuese nuk është si masë. Gjoba që morëm ne bie në kundërshtim me nenin 3, pika 2 e Kushtetutës së Republikës së Kosovës. Ne ndihemi të pabarabartë dhe të pafuqishëm për të kundërshtuar këtë masë. Por, nga sot unë gjendem në mes të alternativave që të bëhem aktivist i devotshëm i partive aktive politike ose të bëjë përpjekje për tu larguar sa më parë nga ky shtet i pa drejtë dhe i pabarabartë”, ka shkruar ai në Facebook.