Mijëra njerëz tashmë kanë arritur në sheshin “Skenderbej” ku do të protestohet në mbështetje të pjesëtarëve të Ushtrisë Çirimtare të Ksoovës që po gjykohen në Hagë.
Me autobusë e vetura janë nisur qytetarë nga Kosova qysh mëngjesin e së premtes. Por, sipas mediave në Shqipëri, protestës i janë bashkuar edhe qytetarë nga Lugina e Preshevës e Maqedonia e Veriut.
Protesta që do të mbahet në sheshin “Skenderbej” në Tiranë, është paraparë të mbahet në orën 17:00.
Protesta kundër Gjykatës Speciale e në mbështetje të Hashim Thaçit, Kadri Veselit, Rexhep Selimit dhe Jakup Krasniqit, janë mbajtur në gusht në Prishtinë, e në shtator te selia e Speciales në Holandë.
Thaçi, Veseli, Krasniqi dhe Selimi akuzohen nga Specialja për krime lufte e krime kundër njerëzimit. Ata janë duke u mbajtur në paraburgim që nga viti 2020.
