-
Nga:
Valbona Bytyqi
- 6 tetor 2023 16:18
- Shpërndaje në:
Qeveria e Kosovës thotë se ka prioritete të tjera tani jashtë dialogut me Serbinë që duhet t’i trajtojë.
Zëdhënësi i Qeverisë, Përparim Kryeziu, ka thënë se sulmi i 24 shtatorit në Banjskë ka sjellë krejt një situatë tjetër e se një proces i mirëfilltë i dialogut kërkon “minimumin e standardit të mirëbesimit të ndërsjellë mes palëve”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Tani kemi një situatë krejt të re me prioritete tjetra urgjente e që kanë të bëjnë me adresimin e pasojave të sulmit terrorist të sponsorizuar nga Serbia. Ajo çka është e domosdoshme të ndodhë aktualisht është të garantohet siguri për Kosovën dhe vendosen sanksione për Serbinë. Gjatë gjithë kohës Republika e Kosovës ka qenë palë e gatshme për dialog dhe marrëveshje”, i ka thënë ai KOHËS.
Kryeziu ka theksuar se Serbia ka thurur plane për aneksim të veriut, kur në Bruksel bëheshin takime për marrëveshje.
“Sulmi terrorist, paramilitar dhe kriminal i datës së 24 shtatorit, ka vërtetuar se teksa në Bruksel zhvilloheshin takime për zbatim të Marrëveshjes Bazë që në qendër ka njohjen de-facto reciproke, Serbia po përgatiste plane për aneksimit të veriut”, ka përfunduar Kryeziu.