Qeveria emëron anëtarët e Bordit të “Trainkosit”

Qeveria e Kosovës në mbledhjen e mbajtur të mërkurën ka emëruar anëtarët e Bordit të drejtorëve të ndërmarrjes publike qendrore hekurudhat e Kosovës “Trainkos”.

Jetmir Nuka është emëruar kryesues i këtij Bordi.

Ndërkohë që Vjollca Salihu, Luljeta Lutfiu, Ruzhdi Zeqiri, Kimete Fazliu e Afrim Bulluti janë emëruar anëtarë.

Po ashtu, Aurora Dinaj është emëruar anëtare e Bordit të drejtorëve të kompanisë rajonale të Ujësjellësit “Mitrovica”.

Qeveria ka ndarë edhe 287 mijë euro për strehimore dhe organizatat joqeveritare që ofrojnë shërbime sociale dhe familjare.