Qeveria e Kosovës ka mbajtur mbledhje elektronike të mërkurën në të cilën ka marrë katër vendime.
Ajo ka miratuar emrat e kandidatëve që do t’i propozohen Kuvendit të Kosovës, për pozitat e dy anëtarëve të Bordit të Zyrës së Rregullatorit të energjisë.
Emrat e propozuar kanë qenë: Arta Qorolli - Isufi, Drita Desku, Adnan Preniqi, Arjeta Pajaziti – Qerimi, Kujtim Hoxha, Naim Sahiti, njoftoi Kryeministria në një komunikatë për media.
Po ashtu, ka miratuar kërkesën e Ministrisë së Shëndetësisë për bartje të së drejtës së shfrytëzimit, nga Agjencia e Pyjeve të Kosovës, te Ministria e Shëndetësisë me qëllim të ndërtimit të objekteve të Institutit Special në Shtime dhe Qendrës Rehabilituese të Sëmurëve Kronik Psikiatrik në Shtime.
Ka emëruar Bordin e përkohshëm të drejtorëve të Ndërmarrjes Publike Qendrore “Ndërmarrja e Re Energjetike e Kosovës “NKEC”, me këtë përbërje: Alban Krasniqi, kryesues, Elvisa Destanovic, anëtare, Dhurata Gutaj, anëtare, Ismet Vrapqani, anëtar.
Edhe
Qeveria në detyrë merr pesë vendime në mbledhjen elektronike
Si dhe, ka shkarkuar Bordin e Drejtorëve dhe ka emëruar Bordin e përkohshëm të drejtorëve të Ndërmarrjes Publike Kompania për Menaxhimin e Deponive në Kosovë Sh. A., me këtë përbërje:
Izja Mjeku, kryesuese; Arlindja Nallbani, anëtare; Besnik Aliu, anëtar; Valbona Fazliu Xheladini, anëtare.
