Prokuroria Themelore në Prizren ka njoftuar të hënën se në bashkëpunim me Policinë e Kosovës dhe me inspektorë nga Ministria e Mjedisit, Planifikimit Hapësinor dhe Infrastrukturës, kanë realizuar dy aksione të ndara në Prevallë kundër degradimit të mjedisit.
Sipas njoftimit, në të dyja rastet, në bashkëpunim me mbikëqyrësit e parkut kombëtar “Sharri”, janë sekuestruar tre eskavator dhe një kamion si mjete të kryerjes së veprës penale, pajisje me të cilat ilegalisht po degradohej mjedisi.
Po ashtu është iniciuar rast në drejtim të veprës penale “Ndërtimi pa leje”.
“Brenda afatit ligjor nga Prokuroria Themelore e Prizrenit, në të dyja rastet e ndara janë duke u ndërmarrë veprime procedurale në drejtim të lëshimit të urdhrit të përkohshëm ndalues dhe paraqitjes së kërkesës në gjykatë për lëshimin e urdhrit ndalues përfundimtar së bashku me masën e përkohshme përkatëse”, thuhet ndër të tjera në njoftim.
-
Arrestohen tre persona për degradim të mjedisit, tentuan të eksploatonin zhavorr përreth Drinit të Bardhë
-
Arrestohet edhe një person në Prizren lidhur me aksionin kundër degradimit të mjedisit
-
17 të arrestuar për shkatërrim të mjedisit me punimet që kryen përreth “Drinit të Bardhë”
-
Mbeturinat në Prishtinë, prokuroria autorizon policinë për grumbullim të provave
-
Sekuestrohen dy kamionë në Prizren, dyshohet se përdoreshin për nxjerrje ilegale të zhavorrit