Një vit pas vdekjes tragjike të 4-vjeçares Xheneta Gashi, në qendrën historike në Prizren, askush nuk ka marrë përgjegjësi, raporton KTV.
Mirëpo, deri në fund të këtij muaji, do të ngrihet aktakuzë për njërin nga tre zyrtarët e komunës, ndaj të cilëve kanë vazhduar hetimet që një vit.
Këtë e ka konfirmuar kryeprokurori i Prizrenit, Admir Shala, duke mos dhënë detaje se cili zyrtar do të akuzohet.
Ndërkaq, Hajrulla Çeku, nga organizata joqeveritare “EC MA NDRYSHE”, ka thënë se Qendra Historike ka qenë në vazhdimësi duke u degraduar, tani është bërë edhe e rrezikshme për jetën e qytetarëve.
Nën hetime, nga Prokuroria Themelore në Prizren, kanë qenë ish-drejtori i Urbanizmit, Nijazi Kryeziu, drejtori i Inspektoratit Komunal, Bedri Bytyqi, dhe Bedrija Ejupagiq, drejtor i Emergjencës.Të tre akuzohen se kanë pasur për detyrë, por nuk kanë marrë masa, për parandalimin e rrëzimit të shtëpisë, në të cilën pësoi Xheneta Gashi.
-
Aktakuzë për drejtorin komunal në Prizren se nuk mori masa për parandalimin e vdekjes së Xheneta Gashit
-
Nisin ndërhyrjet preventive në Qendrën Historike të Prizrenit
-
Nëna e Xhenetës çuditet me fajësimin që Komuna ia bën për vdekjen e vajzës së saj
-
Nëna kërkon përgjegjësi nga Komuna e Prizrenit për vdekjen e fëmijës
-
Plani i menaxhimit mban peng investimet në Qendrën Historike të Prizrenit