Prishtina planifikon ta kthejë pronësinë e “Kuzhinës Qendrore”

Kuzhina Qendrore aktualisht është duke përgatitur ushqim për rreth 13 çerdhe publike në kryeqytet.

Shefja e kësaj kuzhine thotë se ushqimi është i freskët dhe çdo ditë furnizohen me produkte, raporton KTV.

Sipas saj, nëse do të shtohej numri i punëtorëve, kuzhina do të kishte kapacitet të furnizojë edhe çerdhet private.

Në Komunën e Prishtinës planifikojnë që Kuzhinën Qendrore ta shndërrojnë në ndërmarrje komunale.

Ideja e kryetarit, Shpend Ahmeti, ka qenë që edhe çerdhet private të furnizohen me ushqim nga Kuzhina Qendrore.

Në Prishtinë, aktualisht funksionojnë mbi 40 çerdhe publike e private.