Presidenti i Kosovës, Hashim Thaçi, në një takim me përfaqësuesit e shoqatave të familjeve të personave të pagjetur nga komuniteti shqiptar dhe serb, Bajram Çerkini dhe Milorad Trifunoviq, sot sërish ka folur për çështjen e të pagjeturve.
Presidenti Thaçi ka theksuar se dialogu në mes të Kosovës dhe Serbisë pritet të marrë një kualitet e dinamikë të shtuar dhe në kuadër të tij të përfshihet edhe çështja e të pagjeturve.
Ndërsa, përfaqësuesit e shoqatave të familjeve të personave të pagjetur nga komuniteti shqiptar dhe serb, Bajram Çerkini dhe Milorad Trifunoviq, e njoftuan presidentin Thaçi për Qendrën Burimore për të pagjeturit dhe për suksesin e shoqatave në promovimin e dialogut dhe bashkëpunimit në mes të familjeve të të pagjeturve të të gjitha etnive.
Presidenti Thaçi u shpreh se çështja e pagjeturve gjithmonë është në agjendën e institucioneve dhe garantoi se institucionet e shtetit të Kosovës do të kërkojnë edhe më me ngulm që të ketë rezultate konkrete në zbardhjen e fatit të të gjithë personave të pagjetur.
-
Kurti pret që më 2 maj të trajtohet me urgjencë çështja e të pagjeturve
-
Familjarët e të pagjeturve s’presin rezultate konkrete nga bisedimet
-
Thaçi kërkon nga presidenti i Komitetit Ndërkombëtar të Kryqit të Kuq përkrahje për zbardhjen e fatit të të pagjeturve
-
Thaçi i vendosur: Nuk do të lejojmë që gjenocidi serb të kalojë i pandëshkuar
-
Në Ditën e të Pagjeturve shprehet zhgënjimi me institucionet për fatin e mbi 1,600 personave