-
Nga:
Marigona Brahimi
- 28 qershor 2024 12:33
- Shpërndaje në:
(16:24) - Policia e Kosovës ka thënë se kremtimi i Vidovdanit ka kaluar pa incidente, përveç shoqërimit të një personi për intervistim sipas procedurave ligjore.
Serbët sot festuan Vidovdanin në Gazimestan, afër Obiliqit. Policia e kontrolloi secilin pjesëmarrës, duke ua larguar flamujt e bluzat provokuese.
Autoritetet kanë thënë se kanë marrë të gjitha masat koordinuese që ky manifestim të mbahet i qetë dhe pa incidente.
“Referuar informacioneve nga njësitet e angazhuar policore në teren nuk është raportuar asnjë rast i cili ka ndikuar në mbarëvajtjen e manifestimeve, përveç shoqërimit të një personi në stacion policor për intervistim sipas procedurave ligjore. Pas përfundimit të aktiviteteve në orët e pasdites të gjithë pjesëmarrësit janë shpërndarë të qetë. Policia e Kosovës mbetet e përkushtuar në realizimin e detyrave dhe autorizimeve të saj ligjore, menaxhimin e situatës së sigurisë, zbatimin e Kushtetutës së RKS-së në funksion të garantimit të një mjedisi të qetë e të sigurt për të gjithë qytetarët pa dallim”, thuhet në njoftimin e Policisë.
Arrestohet një serb në Gazimestan
Edhe
Të arrestuarve në Gazimestan u ndalohet hyrja për tre vjet në Kosovë
(14:50) - Policia e Kosovës ka arrestuar një serb në Gazimestan, aty ku janë mbledhur për ta festuar Vidovdanin.
Nuk dihen arsyet e arrestimit.
Më pas, serbët janë shpërndarë dhe ka përfunduar festimi i Vidovdanit.
VIDEO:
Policia largon flamujt e bluzat provokuese nga serbët në Gazimestan
(12:33) - Policia e Kosovës po kontrollon secilin serb që ka ardhur në Gazimestan, në afërsi të Obliqit, për ta festuar Vidovdanin.
Edhe
Serbët festojnë Vidovdanin duke provokuar, ndalohen disa prej tyre
Policia ka larguar flamuj e bluza provokuese nga pjesëmarrësit.
Serbët kanë nisur të këndojnë këngë nacionaliste, teksa dëgjohen duke thënë: “Kosova, zemra e Serbisë” e “Do të kthehemi një ditë në Kosovë”.
VIDEO:
Ndër vite, Vidovdani është organizuar më 28 qershor në Gazimestan.
Vitin e kaluar, kjo festë nuk u lejua të mbahej në Gazimestan, duke e zhvendosur në Manastirin e Graçanicës “shkaku i situatës së sigurisë”.
Edhe
37 të arrestuar për nxitje të urrejtjes gjatë Vidovdanit
Kremtimi i kësaj dite ndërlidhet me përvjetorin e Betejës së Kosovës, që historia serbe e njeh si fitore shpirtërore të saj, pavarësisht humbjes së madhe të forcave ballkanike dhe vrasjes së princit serb Lazar.
Shënimi i përvjetorit të Betejës së Kosovës në vitin 1989, në kohën e udhëheqjes së presidentit serb Sllobodan Millosheviq, u kthye në kulmin e nacionalizmit në ish-Jugosllavi, me shpalljen siç thuhej të bashkimit të Serbisë, përmes rrënimit të autonomisë së Kosovës dhe me paralajmërimin e luftërave të përgjakshme që çuan në shkatërrimin e ish federatës jugosllave.
