Plagosja në veri, OSBE-ja u bën thirrje institucioneve për hetim të besueshëm

Misioni i OSBE-së u ka bërë thirrje institucioneve relevante që ta hetojnë rastin e plagosjes në veri dhe t’i mbajnë përgjegjës ata që u përfshinë.

OSBE-ja ka bërë thirrje që të bëhet hetim i plotë dhe i besueshëm për rastin.

“Misioni i OSBE-së dënon incidentin me të shtëna në veri të Kosovës natën e kaluar ku një polic i Kosovës dyshohet se ka plagosur një serb të Kosovës. Misioni u bën thirrje të gjitha institucioneve relevante që të kryejnë një hetim të plotë dhe të besueshëm se çfarë ndodhi dhe për të siguruar se përgjegjësit për një dhunë të tillë të mbahen përgjegjës. Kjo është thelbësore për të siguruar një mjedis të sigurt për të gjithë”, thuhet në reagimin e Misionit.

Për rastin e plagosjes së qytetarit serb, janë arrestuar katër zyrtarë policorë dhe janë dërguar në mbajtje. Tre prej tyre sepse nuk e kanë raportuar rastin dhe një tjetër për mosraportim dhe për përfshirje në rast.