Pishina e Gërmisë mbyllet në fund të muajit

Në fund të këtij muaji do të mbyllet Pishina e Gërmisë.

Qytetarët janë ndarë të kënaqur me shërbimet, por zyrtarët thonë se sivjet numri i vizitorëve ka rënë dukshëm.

Vetëm edhe pak ditë qytetarët do të mund ta shfrytëzojnë pishinën e “Gërmisë”, pasi në fund të muajit ajo përmbyll sezonin.

Qytetarët që ditët e nxehta i kishin kaluar në freskinë e pishinës shprehen të kënaqur me shërbimet.

Emrush Hyseni, zyrtar përgjegjës në këtë pishinë, tha për RTK se sivjet numri i vizitorëve ka rënë dukshëm në krahasim me vitet e kaluara, tutje ai tha se Pishina “Gërmia” ishte hapur më 26 qershor dhe afërisht çdo ditë kishte 1200 vizitorë.