-
Nga:
Agim Ademi
- 25 prill 2020 09:00
- Shpërndaje në:
Qendra për Punësim në Komunën e Ferizajt gjatë dhjetë ditëve të fundit është përballur me rritje të numrit të kërkesave të qytetarëve për regjistrim si të papunë me qëllim të përfitimit nga pakoja emergjente e Qeverisë së Kosovës. Deri tash nëpërmjet platformës elektronike “online” kanë aplikuar mbi 5 mijë qytetarë, shkruan KOHA.
Drejtori i kësaj qendre, Naim Gashi, ka thënë për KOHËN se janë duke i shqyrtuar të gjitha aplikacionet e qytetarëve, të cilët po synojnë të jenë përfitues të pakos prej 130 eurove nga Qeveria e Kosovës. Sipas tij, të drejtën e përfitimit të kësaj pagese e kanë familjet të cilat nuk e kanë asnjë të punësuar në sektorin publik dhe privat.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Në fillim kemi pranuar rreth 1200 aplikacione fizike, mirëpo për shkak të frekuentimit të madh të qytetarëve është dashur ta mbajmë rendin me Policinë e Kosovës, ndërkohë Qeveria rekomandoi që aplikimi të bëhet online. Andaj deri tash mbi 5 mijë aplikacione kemi pranuar nga qytetarët si të papunë”, ka thënë Gashi.
Sipas tij, nuk është e nevojshme të gjithë anëtarët e familjet të regjistrohen si të papunë, por vetëm një anëtar i familjes, ndërkohë për të qenë përfitues të pakos emergjente aplikacionet mund të bëhen në zyrat e Qendrës për Punë Sociale dhe në Ministrinë e Financave nëpërmjet platformës “online”.