Një ditë para vizitës së pesë diplomatëve euro-amerikanë, ambasadori i Shteteve të Bashkuara të Amerikës, Jeffrey Hovenier, i ka shkuar në zyrë kryeministrit Albin Kurtit.
Sipas fotos së siguruar nga KOHA, vetura e Hovenier është parë para objektit të Qeverisë së Kosovës të premten në mbrëmje.
KOHA ka pyetur Zyrën e Kryeministrit për këtë takim, dhe është në pritje të përgjigjes.
Këshilltarët e udhëheqësve të Francës, Gjermanisë e Italisë, si dhe emisarët nga BE e SHBA, përkatësisht, Emmanuel Bonne, Jens Ploetner, Francesco Talo, Miroslav Lajçak e Gabriel Escobar, do të vizitojnë Kosovën e Serbinë të shtunën, për t’i dhënë një shtytje të re dialogut pas tensioneve të fundit.
