Padia e Qalajt, askush nga Qeveria nuk shkon në seancë

Askush nga Zyra e Kryeministrit nuk ka shkuar në seancën gjyqësore për masë të sigurisë për konkurs të Policisë së Kosovës, e kërkuar nga ish-drejtori Rashit Qalaj.

Në seancë nuk po merr pjesë askush nga Zyra e Kryeministrit edhe pse sipas gjyqtares Saranda Bogaj Sheremeti kanë pranuar ftesën në mënyrë të rregullt.

Qalaj ishte larguar nga detyra me vendim të kryeministrit në detyrë Avdullah Hoti. Ai kishte dërguar çështjen në gjykatë. Qalaj kishte paditur Qeverinë e Kosovës, Zyrën e Kryeministrit dhe Ministrinë e Punëve të Brendshme.