Ministrja e Mjedisit dhe Planifikimit Hapësinor, Fitore Pacolli, ka thënë se shembja e rrugës “Don Shtjefën Kurti” në Prishtinë është pasojë e drejtpërdrejtë e neglizhimit të standardeve të ndërtimit.
Ajo ka thënë se Ministria do të bëjë përpjekje që me Planin e ri Hapësinor të Kosovës të vendosë kreitere të rrepta dhe standarde që “nuk lejojnë improvizime në dëm të qytetarëve”.
“Kjo që shohim në Prishtinë është pasojë e drejtpërdrejtë e neglizhimit të standardeve. Respektimi i ligjit dhe i kritereve teknike është jetik për mbrojtjen e jetës së qytetarëve, punëtorëve dhe stabilitetin e infrastrukturës sonë, andaj llogaridhënia duhet të jetë e plotë dhe e panegociueshme. Pavarësisht rezistencës nga grupet e interesit apo politika e mësuar pa llogaridhënie, ne si Ministri po po punojmë që të vendosim rend dhe rregull. Edhe komunat duhet të mbajnë përgjegjësi dhe të ndëshkohen për mungesën e inspektimit të mirëfilltë dhe mosrespektimin e standardeve në ndërtim. Për t’i dhënë fund kësaj mbrapshtie që është instaluar për vite me radhë, ne si Ministri do të bëjmë përpjekje që me Planin e ri Hapësinor të Kosovës të vendosim kritere të rrepta dhe standarde që nuk lejojnë më improvizime në dëm të qytetarëve”, ka shkruar Pacolli në Facebook.
Shembet rruga në Prishtinë, intervistohet pronari i një kompanie e pezullohen disa inspektorë
Rruga “Don Shtjefën Kurti” në kryeqytet është shembur si pasojë e një rrëshqitjeje të dheut të...-
Pacolli për rrëzimin e vinçit që la një të vdekur: Komuna e Prishtinës të japë llogari
-
Pacolli: Prishtina bëri shkelje ligjore me menaxhimin e deponisë në Matiçan
-
Pacolli: Ndalohet betonimi i shtretërve të lumenjve
-
Komuna mbyll të gjitha vendpunishtet pas shembjes së rrugës “Don Shtjefën Kurti”
-
Pezullohen nga puna dy inspektorë dhe një zyrtar pas shembjes së rrugës “Don Shtjefën Kurti”