OVL-UÇK paralajmëron aktivitete protestuese më 12 qershor

Pas arrestimit të veteranit Faik Fazliu, i cili u lirua më pas, sot është mbledhur Organizata e Veteranëve të Luftës së Ushtrisë Çlirimtare të Kosovës (UÇK). Nga OVL-UÇK thonë se institucionet e vendit kanë dalë jashtë vlerave kombëtare.

OVL e UÇK-së ka njoftuar se më 12 qershor do të ketë protestë, ndërsa thanë se kryeministri Albin Kurti e ministrat Donika Gërvalla e Xhelal Sveçka po e akuzojnë UÇK-në.

Kështu ata kanë paralajmëruar edhe aktivitet protestues më 12 qershor.

“Kryesia e Organizatës së Veteranëve të Luftës së UÇK-së, në mbledhjen e mbajtur sot më 7 qershor 2021, diskutoj për situatën aktuale në Kosovë dhe del me këto qëndrime me të cilat i drejtohet opinionit publik: Të gjithë e kemi të ditur se Institucionet e Kosovës kanë dalë hapur jashtë vlerave kombëtare; Kohë më parë, vërehet tendencë e akuzave ndaj krerëve të UÇK-së, që nga Kryeministri Kurti, Ministrja e Jashtme Gërvalla-Schëarz, e tani Ministri i Brendshëm Sveçla; Rasti i arrestimit dhe dhunës së ushtruar ndaj Faik Fazliut, nuk duhet të trajtohet vetëm nga OVL e UÇK-së, por edhe nga partitë, e si çështje t’i mbetet organeve të drejtësisë dhe ne e respektojmë çdo vendim të tyre; Me datën 12 Qershor 2021 do të ketë aktivitet protestues, për kohën dhe vendin do të njoftoheni”, thuhet në komunikatë të OVL-UÇK-së./KSP