Presidentja e Kosovës, Vjosa Osmani, ka takuar ministrin e Mbrojtjes, Ejup Maqedoncin dhe komandantin e Forcës së Sigurisë së Kosovës (FSK), Bashkim Jasharin, të cilët i ka falënderuar për angazhimin.
Ajo ka shkruar në Facebook të mërkurën se Ushtria e Kosovës po fuqizohet çdo ditë e më shumë, duke e konsideruar partnere të besueshme e ushtrive aleate të NATO-s.
“Ushtria e Kosovës po fuqizohet dita-ditës, si partnere e besueshme e ushtrive aleate në NATO. Sot përgëzova Ministrin e Mbrojtjes, Ejup Maqedonci dhe Komandantin e FSK-së, Gjenerallejtënant Bashkim Jashari për angazhimin e institucioneve tona të mbrojtjes në misionin e shenjtë që kanë”, ka shkruar ajo.
Ditë më parë, Departamenti Amerikan i Shtetit ia ka miratuar Kosovës shitjen e raketave “Javelin” dhe e ka dërguar çështjen në Kongresin amerikan.
Bëhet fjalë për blerjen e 246 raketave për 75 milionë euro.
-
Osmani e ambasadori turk flasin për ushtrinë e futbollin
-
Osmani: Prania e Ushtrisë së SHBA-së, jetike për paqen dhe sigurinë në Kosovë e rajon
-
Osmani takon Rubion, ia thekson rëndësinë e anëtarësimit të Kosovës në NATO
-
Osmani falënderon Trumpin: Kosova sot ndjeu peshën e garancisë amerikane
-
Maqedonci: Kemi ushtri që ia bën të vështirë çdokujt që synon të na kërcënojë