Presidentja Vjosa Osmani ka udhëtuar për në New York, ku do të zhvillojë takime me liderë botërorë dhe organizata ndërkombëtare në kuadër të sesionit të 78-të të Asamblesë së Kombeve të Bashkuara.
Zyra e Presidencës ka njoftuar se Osmani është ftuar të marrë pjesë në pritjen zyrtare të organizuar nga presidenti I Shteteve të Bashkuara të Amerikës, Joe Biden, si dhe në një pritje të veçantë, të organizuar nga Zonja e Parë e SHBA-së, Jill Biden.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Përgjatë kësaj vizite, Presidentja në takime me homologët e saj do të flasë për zhvillimet e fundit në Kosovë, sikurse edhe për synimet e Kosovës për krijimin e raporteve me shtetet anëtare të OKB-së dhe anëtarësim në organizata ndërkombëtare. Ajo po ashtu do të marrë pjesë edhe në aktivitete e diskutime të shumta të organizuara nga shtetet aleate”, thuhet në njoftimin e Presidencës.
Përveç takimeve, thuhet se Osmani do të mbajë diskutime në disa nga universitetet dhe institucionet më prestigjioze në SHBA.
Në agjendën e Osmanit do të jenë edhe një sërë aktivitetesh të përbashkëta me mërgatën shqiptare në Amerikë.