Presidentja e Kosovës Vjosa Osmani, ka zhvilluar një takim me presidentin e Turqisë, Recep Tayyip Erdogan, të cilit i ka thënë se Kosova është e përkushtuar ta forcojë bashkëpunimin me Turqinë.
“Në dritën e zhvillimeve të fundit në fushën e sigurisë, unë shpreha mirënjohjen tonë për mbështetjen dhe angazhimin e Turqisë për paqen dhe sigurinë në rajonin tonë”, ka shkruar Osmani në rrjetin social X.
Ajo ka thënë se Kosova është e përkushtuar që të vazhdojë të forcojë bashkëpunimin midis dy vendeve.
Për këtë takim Osmani ka shkruar edhe në Facebbok. Ajo ka thënë se e ka falënderuar homologun turk për “mbështetjen e fuqishme për Kosovën, përfshirë në periudha të rënda e sfiduese”.
Osmani ka thënë se Erdoganin e ka informuar edhe për zhvillimet e fundit në Kosovë.
“Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”, ka shkruar Osmani.
