Presidentja Vjosa Osmani, ka reaguar pas miratimit të Deklaratës për të Zhdukurit nga kryeministri Albin Kurti dhe presidenti i Serbisë, Aleksandar Vuçiq, në takimin e së martës në Bruksel.
Osmani ka thënë se shpreson që kjo deklaratë për të cilën palët janë marrë vesh të martën në Bruksel, do të hapë rrugën për pranimin e krimeve të kryera nga Serbia.
Ajo ka thënë se kjo deklaratë do të kërkojë zbatim të menjëhershëm, ndonëse sipas saj, dihet që Serbia më parë nuk i ka kryer obligimet e saj kur bëhet fjalë për zbatim.
“Familjet që vazhdojnë të kërkojnë vendndodhjen e të dashurve të tyre, të cilët u zhdukën me forcë nga regjimi i Millosheviqit dhe përmes një sistemi krimesh lufte dhe gjenocidi të sponsorizuara nga shteti, kanë mbi dy dekada që mbajnë këtë barrë të rëndë në drejtësinë e tyre të mohuar në mënyrë çnjerëzore. Shpresojmë që Deklarata e sotme e rënë dakord në Bruksel do të hapë rrugën për pranimin e këtyre krimeve dhe për drejtësinë. Por mbi të gjitha, një moment lehtësimi për familjet që kanë përjetuar dhimbje dhe vuajtje të pashpjegueshme. Kjo deklaratë do të kërkojë zbatim të menjëhershëm dhe për këtë, siç e dimë nga marrëveshjet e mëparshme, Serbia ka një histori të tmerrshme”, ka shkruar ajo në Twitter.
Edhe
Osmani e kënaqur me miratimin e Deklaratës për të pagjeturit, pesimiste në zbatim nga Serbia
My statement following the Declaration on forcibly disappeared persons, agreed today in Brussels ⬇️ pic.twitter.com/NwZqQJPd75
— Vjosa Osmani (@VjosaOsmaniPRKS) May 2, 2023
