Presidentja e Kosovës, Vjosa Osmani, i është drejtuar Gjykatës Kushtetuese për të sqaruar çështjen e emërimit të anëtarëve të Komisionit Qendror të Zgjedhor.
Dilema kushtetuese, sipas kabinetit të presidentes Osmani, është për shkak se partitë kanë bërë më shumë propozime sesa që parasheh Kushtetuta.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Presidentja Osmani i është drejtuar Gjykatës Kushtetuese lidhur me këtë çështje. Sapo ta marrë përgjigjen, do të vijohet me emërim. Në rrethanat aktuale janë bërë më shumë propozime nga grupet parlamentare sesa që parashikohet me Kushtetutë, prandaj duhet ta sqarojë këtë çështje Gjykata para se të vijohet tutje”, thuhet në përgjigjen për KOHËN nga Kabineti i Presidentes.
Ndërkaq në Gjykatën Kushtetuese kanë bërë të ditur se kërkesa e presidentes është dorëzuar më 21 mars.
Lëvizja Vetëvendosje ka propozuar tre kandidatë për përfaqësim në KQZ, ani se Kushtetuta thotë ndryshe. Burime të KOHËS thanë se Alban Krasniqi është propozuar për edhe një mandat, ndërsa emra të rinj janë Violeta Emini dhe Njazi Isaku. Në Kushtetutë theksohet se gjashtë anëtarë të KQZ-së emërohen nga 6 grupet më të mëdha parlamentare që nuk mbajnë vende të rezervuara. E, nëse në Kuvend ka më pak grupe parlamentare, Kushtetuta thotë se grupet më të mëdha mund të emërojnë anëtarë shtesë. Burime të KOHËS thanë se PDK-ja ka propozuar për anëtarë të KQZ-së, Ilir Gashin dhe Rashit Qalajn, LDK-ja Sami Hamitin e AAK-ja Muharrem Nitajn. Sipas këtyre burimeve, nga komunitetet, vetëm nga ai turk është propozuar anëtari që ka shërbyer në mandatin aktual, ndërsa të tjerët janë emra të rinj.
Njësoj më 2021 kur Vetëvendosje pati fituar 50 për qind të votave, pati insistuar në propozimin e tre kandidatëve, por presidentja Osmani pati emëruar dy.
E një zvarritje të tillë të emërimit të anëtarëve të KQZ-së e pati bërë për disa muaj pas zgjedhjeve të 2017-ës edhe ish-presidenti Hashim Thaçi.
Kjo u pati bërë me arsyetimin se e ka të paqartë se si duhet të emërohen anëtarët e KQZ-së pas rezultatit zgjedhor, kur atëherë fitues ishte koalicioni PAN i përbërë nga tri parti, PDK, AAK, NISMA i cili gjithashtu kërkonte tre anëtarë në KQZ.
Ndonëse Kushtetuesja nuk ia pati trajtuar kërkesën Thaçit, i pati trajtuar më pas vendimet e tij për emërimin e anëtarëve, nga dy për tri grupet e vetme parlamentare, të cilat ishin konstatuar në përputhje me Kushtetutën.
Ish-kryetari i KQZ-së dhe profesori universitar, Mazllum Baraliu thotë se kërkesa e LVV-së për tre përfaqësues në KQZ nuk ka bazë ligjore.
“Edhe më parë ka pasur tentativa të tilla të subjekteve politike jo vetëm të Vetëvendosjes, por që nuk janë miratuar. Ka pasur edhe iniciativë në Gjykatën Kushtetuese si kërkesë për t’u trajtuar, por nuk e ka trajtuar sepse s’ka çka trajton sepse Kushtetuta është e qartë dhe taksative si në nenin që përmenda më sipër, sa dhe kujt sa i takojnë”, ka thënë Baraliu.
Sipas Ligjit për zgjedhjet e përgjithshme, emërimi i anëtarëve të KQZ-së duhet të bëhet jo më vonë se 60 ditë pas certifikimit të rezultateve.
Tashmë është përmbyllur afati ligjor brenda të cilit presidentja Vjosa Osmani, duhet t’i emërojë ose refuzojë të propozuarit e subjekteve politike për anëtarë të rinj të KQZ-së.
Me 9 mars presidentja ua kërkuar subjekteve politike propozimet për anëtarë të KQZ-së. Ato kanë pasur kohë deri më 16 mars që t’i përgjigjen kërkesës së presidentes me emrat e kandidatëve. E, pas pranimit të nominimeve, presidentja ka pasur kohë 5 ditë që t’i emërojë të propozuarit, ose t’i refuzojë.
PDK-ja akuzon Osmanin për shkelje kushtetuese
Photo: Driton Paçarada
Anëtari i kryesisë së Partisë Demokratike të Kosovës, Betim Gjoshi, ka thënë se mosemërimi i anëtarit të dytë të PDK-së në Komisionin Qendror të Zgjedhjeve, është cenim i kushtetushmërisë, demokracisë dhe i zgjedhjeve nga ana e presidentes.
Gjoshi, në një konferencë për media të martën, ka deklaruar se refuzimi i Osmanit është dëmtim i qëllimshëm i përfaqësimit të PDK-së në KQZ dhe i dobësimit të rolit të opozitës në këtë fazë kritike politike për shtetin.
“Presidentja Osmani, në shkresën e datës 9 mars drejtuar kryetarit Bedri Hamza, ka kërkuar që t’i propozojmë me shkrim KANDIDATËT për anëtarë të KQZ-së. Pra, jo propozimin e një kandidati, siç e ka certifikuar tani, por të kandidatëve, në shumës. Prandaj, ajo ka përgjegjësinë që para qytetarëve të sqarojë se çfarë e shtyri që në momentet e fundit të tërhiqej nga rruga kushtetuese dhe ligjore e emërimit të anëtarëve të PDK-së në KQZ”, është shprehur ai.
Gjoshi ka theksuar se mosemërimi i përfaqësuesit të dytë të PDK-së në KQZ bie ndesh me Kushtetutën, pasi përcaktohet qartë se 6 anëtarë të KQZ-së emërohen nga gjashtë grupet më të mëdha parlamentare, përkatësisht nga subjektet politike shqiptare të përfaqësuara në Kuvend, që aktualisht janë LVV, PDK, LDK dhe AAK.
“Pra, Kushtetuta e Kosovës është e qartë: së pari, sigurohet përfaqësimi proporcional i subjekteve më të mëdha parlamentare. Dhe së dyti, meqenëse pas zgjedhjeve të 28 dhjetorit në Kuvend janë vetëm 4 grupe parlamentare shqiptare, pra në mungesë të numrit të mjaftueshëm prej 6 grupeve, anëtarët shtesë emërohen nga grupet më të mëdha parlamentare, që në këtë rast janë Lëvizja Vetëvendosje dhe Partia Demokratike e Kosovës”, sqaroi ai.
Sipas Gjoshit, ky zhvillim përveç që po e cenon opozitën, por e rrezikon vetë legjitimitetin e zgjedhjeve dhe standardet demokratike të Republikës së Kosovës.
Ai ka përmendur një rast të ngjashëm kur presidentja Osmani në vitin 2021, ishte përpjekur ta pamundësojë emërimin e anëtarit të dytë të PDK-së të KQZ-së.
Në këtë adresim për media, Gjoshi shprehu shqetësim tjetër që nëse Gjykata Kushtetuese nuk do të kthejë përgjigje ashtu siç bëri në vitin 2021, pas datës 4 prill në postin e të parës së shtetit do të vendoset si Ushtruese Detyre, Albulena Haxhiu, e cila mund të vendosë në mënyrë arbitrare që PDK-së të mos i takojë e drejta për përfaqësim në KQZ me dy anëtarë.
Presidentja Vjosa Osmani i është drejtuar Kushtetueses për të sqaruar çështjen e emërimit të anëtarëve të KQZ-së.
Dilema kushtetuese, sipas kabinetit të presidentes Osmani, është për shkak se partitë kanë bërë më shumë propozime sesa që parasheh Kushtetuta.
Lëvizja Vetëvendosje ka propozuar tre kandidatë për përfaqësim në KQZ, ani se Kushtetuta thotë ndryshe. Burime të KOHËS thanë se Alban Krasniqi është propozuar për edhe një mandat, ndërsa emra të rinj janë Violeta Emini dhe Njazi Isaku.
Burime të KOHËS thanë se PDK-ja ka propozuar për anëtarë të KQZ-së, Ilir Gashin dhe Rashit Qalajn, LDK-ja Sami Hamitin e AAK-ja Muharrem Nitajn. Sipas këtyre burimeve, nga komunitetet, vetëm nga ai turk është propozuar anëtari që ka shërbyer në mandatin aktual, ndërsa të tjerët janë emra të rinj.
Njësoj më 2021 kur Vetëvendosje pati fituar 50 për qind të votave, pati insistuar në propozimin e tre kandidatëve, por presidentja Osmani pati emëruar dy.
E një zvarritje të tillë të emërimit të anëtarëve të KQZ-së e pati bërë për disa muaj pas zgjedhjeve të 2017-s edhe ish-presidenti Hashim Thaçi.