Vjosa Osmani, kandidate për deputete në radhët e LDK-së, ka thënë se e ka ditur që do të jetë pjesë e listës sapo kryetari i kësaj partie, Isa Mustafa, kishte tërhequr kandidaturën për kryeministër.
Përfshirja e Osmanit në listën e LDK-së ngjalli shumë zhurmë në opinion pasi u raportua se mund të lihet jashtë pas kundërshtimeve që ka pasur ajo si ish-deputete në radhët e LDK-së.
“E kam ditur se do të jem në listë menjëherë pas tërheqjes së Isa Mustafës nga kandidatura për kryeministër. Jam kontaktuar nga kandidati i ri Avdullah Hoti për të shikuar mundësinë për të qenë pjesë e ekipit me të cilin ai pretendon të bashkëpunojë më së shumti. Gjërat kanë rrjedhë shpejt dhe brenga ime themelore ishte që LDK të dalë sa më unike”, ka thënë ajo.
Në Interaktiv të KTV-së ajo ka folur për listën e publikuar, në të cilën ajo është në numrin 81, për të cilin ka thënë se nuk i pengon aspak.
“Do të ndihesha keq për këtë vetëm nëse qytetarët do të më rendisnin në këtë numër”, ka thënë ajo.
-
Osmani në zgjedhje pritet të bëhet bashkë me VV-në, s’dihet forma e bashkëpunimit
-
Mustafa thotë se Osmani është ftuar në të gjitha mbledhjet e LDK-së
-
Osmani flet për ngritjen e saj në LDK dhe kushtin ndaj VV-së për koalicion paszgjedhor
-
Osmani nënkryetare e LDK-së: Përgjegjësi dhe nder të shkruaj epokën e re dhe të ndritshme të Kosovës
-
Këshilli i Përgjithshëm i LDK-së sot voton për Vjosa Osmanin, Mustafa pret përkrahje të gjerë