Osmani - deputetes Kearns: Faleminderit për ekspozimin e agjendës destruktive të Serbisë

Presidentja e Kosovës, Vjosa Osmani ka shprehur i ka shprehur mirënjohjen e Kosovës deputetes britanike, Alicia Kearns, për thirrjet e saj për ekspozimin e agjendës destruktive dhe destabilizuese të Serbisë.

Osmani ka shkruar në Twitter se Kosova do të ruajë vlerat e përbashkëta dhe se do të forcojë demokracinë.

“Faleminderit Alicia Kearns për përpjekjet tuaja të palodhura në ekspozimin e agjendës destruktive dhe destabilizuese të Serbisë. Falënderoj të gjithë nënshkruesit për mbështetjen e tyre të fuqishme për sovranitetin dhe demokracinë e Kosovës. Së bashku, ne do të ruajmë vlerat tona të përbashkëta dhe do të forcojmë demokracinë!”, ka shkruar Osmani.

Kearns ka apeluar që të mos përsëriten gabimet e së kaluarës në Ballkan.