PDK-ja, LDK-ja, Lista Serbe e AAK-ja janë shprehur kundër votimit të fshehtë për zgjedhjen e kryeparlamentarit, duke thënë se kjo është shkelje e Kushtetutës.
Kryetari i PDK-së, Memli Krasniqi, ka thënë se kjo që po tenton të bëjë VV-ja është e paprecedentë.
“Prej kur e kemi shpallur pavarësinë, kjo është e paprecedentë. Ndoshta prej fillimi të kishit vendos me votim të fshehtë kish pas kuptim. Mos e thelloni krizën, propozone një emër tjetër. Mos e ktheni Kuvendin në cirk. Nuk mund ta impononi në mënyrë arbitrare kryesuesin. Nuk keni të drejtë. As sekretariati nuk duhet me iu ngu kërkesa të paligjshme. Kur nuk i keni votat në mënyrë transparente, si mund t’i keni në mënyrë të fshehtë? A e keni naj pazar që ne nuk e dimë? Po krijoni precedentë anti-kushtetues. Është fyerje për qytetarët”, ka thënë ai.
Arbitrare u cilësua kjo mënyrë nga deputetja e LDK-së, Hykmete Bajrami dhe ajo e AAK-së, Time Kadrijaj
“Është arbitrare, është shkelje kushtetuese, është shkelje e rregullores. Nuk do të bëhemi asnjëherë pjesë e shkelje të tua”, ka thënë Bajrami.
Edhe një dështim për konstituim të Kuvendit, refuzohet votimi i fshehtë për kryetar
-
Partitë politike, skeptike se Kushtetuesja do të ofrojë zgjidhje për ngërçin
-
VV-ja sërish tenton votim të fshehtë, nuk merr përkrahje
-
Opozita vlerëson se Basha shkeli Kushtetutën dhe Rregulloren
-
PDK-ja i sheh zgjedhjet e parakohshme si opsionin më real
-
Krasniqi: LVV qëllimisht po e zvarrit konstituimin, ministrat s’kanë shans të marrin votë