Kryetari i Komunës së Skenderajt Bekim Jashari ka pritur sot kryetarin e Komunës së Raperswil-Jona nga Zvicra, Martin Stockling, me ç'rast janë pajtuar për të shikuar mundësitë e bashkëpunimit në mes dy komunave. Kryetari Jashari, pas këtij takimi, u shpreh se kanë shikuar mundësitë e bashkëpunimit mes dy komunave.
Kreu i Skenderajt falënderoi kryetarin e komunës së Raperswil-Jona për vizitën, si dhe për ndihmën që populli zviceran i ka bërë ndër vite Kosovës. Ndërsa kryetari i Komunës së Raperswil-Jona, Martin Stockling, tha se do të ketë kënaqësinë që t'i ndihmojë qytetarët e Skenderajt, që të bëjmë diçka për zhvillimin e tij.
Jashari dhe Stockling më pas kanë bërë homazhe në Kompleksin Memorial "Adem Jashari" në Prekaz.
Ata kanë vizituar edhe kullën e Jasharajve si dhe muzeun që ndodhet në këtë kompleks.
-
Caritasi zviceran e komuna e Skenderajt mbështesin 25 fermerë me grante
-
Skenderaj pranon kamionë të zjarrfikësve nga Gjermania
-
Kronika Zgjedhore/ Jashari premton një mijë vende pune për të rinjtë e Skenderajt
-
Jashari: S'kam pasur takim me ndonjë parti për mbështetje apo tërheqje të kandidaturave
-
Jashari: Ai popull që e kujton të kaluarën e ka të sigurt të ardhmen