Qeveria e Shqipërisë është deklaruar kundër biznesit vendës dhe Qeverisë së Kosovës lidhur me vendosjen e taksës në masën 100% ndaj mallrave serbe e atyre boshnjake. Vendimi i Qeverisë së Kosovës për rritjen e taksave ndaj mallrave serbe në 100% është vlerësuar si jo e shëndetshme për ekonominë e dy vendeve, nga ana e ministrit të Financave dhe Ekonomisë së Shqipërisë, Arben Ahmetaj.
Për këtë ka reaguar deputeti i AAK-së në Kuvendin e Kosovës, Muharrem Nitaj, i cili në një shkrim në Facebook ka thënë se duhet një taksë edhe për Ministrin shqiptar Ahmetaj.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoLEXO EDHE: Qeveria e Shqipërisë kundër taksës 100% ndaj mallrave serbe
“Një taksë edhe për Ministrin shqiptar Ahmetaj, aman!. Ministri shqiptar i financave, Arben Ahmetaj, paska deklaruar se taksa e Qeverisë së Kosovës për produketet serbe, nuk qenka e shëndetshme!”, ka shkruar Nitaj, përcjell Koha.net.
E porosis Ministrin Ahmetaj, thotë Nitaj, të kujdeset për shëndetin e Qeverisë së tij dhe hiç mos ta ketë gajle shëndetin tonë!
“Ai në vend që ministrit serb të financave t’i kërkojë sqarime për agresionin ekonomik e politik të Serbisë ndaj Kosovës, paska premtuar lehtësira për importet nga Serbia! S’ka problem, veç dushk për gogla mos na shitni! Këtij farë ministri i paska ngelur sahati në kohën e “vellëzërve kinezë e miqëve kosovarë”!”, ka përfunduar Nitaj.