Deputeti i AAK-së, Rasim Selmanaj, ka thënë se opozita do të kundërshtojë çdo iniciativë të koalicionit qeverisës VV-LDK për heqjen e taksës ndaj mallrave serbe. Sipas tij, përveç një seance të jashtëzakonshme plenare, mund të përdoren edhe metoda të tjera për të kundërshtuar heqjen e taksës.
Kryeministri i ri i Kosovës, Albin Kurti, ka thënë të mërkurën se taksa ndaj mallrave serbe do të zëvendësohet me reciprocitet të plotë politik, ekonomik e tregtar.
“Ne mendojmë dhe jemi të bindur se taksa duhet të mbetet në fuqi sepse është një argument i fuqishëm në dialog me Serbinë. Ndërsa sa i përket reciprocitetit në rregull të vendoset edhe kjo masë, por kjo nuk do të thotë me u largu taksa...një prej mundësive është seanca e jashtëzakonshme, do të shohim si do të jenë aktivitetet tona për ta kundërshtuar largimin e taksës”, ka thënë Selmanaj për KosovaPress.
Sot ndaj deklaratës së Kurtit u shprehën edhe zyrtarë të partive të tjera opozitare. Kryetari i PDK-së, Kadri Veseli, që dikur ishte shprehur publikisht pro heqjes së taksës, kërkoi nga Kurti që të mos ngutet me heqjen e taksës.
-
LDK-ja, kundër propozimit të Kurtit, e ftoi PDK-në për rezolutë të përbashkët rreth taksës
-
Selmanaj thotë se AAK-ja u frikësua të nxjerrë rezolutë për taksën
-
Seancë e jashtëzakonshme për taksën në Kuvend
-
AAK-ja nuk i përjashton protestat për ta kërkuar mbajtjen e taksës
-
Opozita kundërshton planin e Kurtit për largimin e taksës