Një bankë komerciale ka nisur rritjen e interesit të kredive, duke përfshirë edhe ato aktive variabile. Kjo bankë ka nisur t’i thërrasë qytetarët për t’i informuar tashmë për ndryshimet që do t’i prekin nga këstet në muajin e ardhshëm. Arsyetim janë përmendur dinamika globale dhe ndryshimet nga Euribori, si normë referente. Rritja është mbi 0.6 për qind interes.
Banka ka njoftuar klientët se “tre muajt e parë e ka paguar vetë rritjen e interesit, me shpresën se do të ketë ulje në të ardhmen, por tashmë kjo është e pamundshme”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Si rrjedhojë do të ketë rritje në interes në kredinë tuaj hipotekare për gjashtë muaj”, kanë thënë nga banka në thirrjet telefonike për qytetarët.
Po ashtu është paralajmëruar se lëvizja e radhës, pas gjashtë muajve, do të bëhet varësisht lëvizjes së Euriborit e se nuk është përjashtuar mundësia për ngritje të mëtejme të normës së interesit.
Në Bankën Qendrore të Kosovës kanë thënë se s’ka kompetenca të politikës monetare e se normat e interesit përcaktohen nga dinamikat globale në normat e interesit dhe nga faktorë në tregun e brendshëm. Është pranuar se në kreditë variabile mund të ketë lëvizje, por jo edhe tek ato fikse.
“Për kreditë ekzistuese, shumica e të cilave janë me norma fikse, nuk ndryshon kosto/interesi/kësti; ndërkaq për kreditë me norma variabile të interesit, mund të ndryshojë norma e interesit, varësisht nga ndryshimi i normës referente, kryesisht Euriborit”, ka thënë për KOHËN zëdhënësi i BQK-së, Kushtrim Ahmeti, të martën.
Lëvizja e bankave në Kosovë pason ato të Evropës, por dallimi është se ato kanë vepruar me norma negative që nga viti 2014 e bankat në Kosovë me normat më të larta në rajon. Norma mesatare e interesit në Kosovë është 6.1 për qind.
Në Kosovë veprojnë 11 banka komerciale.
Vetëm gjatë 6-mujorit të parë të këtij viti vlera e kredive të reja është mbi 800 milionë euro.
Shoqata e Bankave s’ka kthyer përgjigje qe disa ditë në interesimin e KOHËS për lëvizjet e mundshme të interesit të kredive.