Në Uashington, në orën 22:00, ka nisur ceremonia e firmosjes së marrëveshjes mes Kosovës dhe Korporata së Sfidave të Mijëvjeçarit (MCC) për Programin Kompakt të Kosovës, që pritet t’i sjell vendit mbi 200 milionë dollarë investime në projekte në fushën e energjisë.
Në ceremoni të pranishëm janë presidentja Vjosa Osmani, kryeministri Kurti dhe ministrja e Ekonomisë, Artane Rizvanolli.
Paraprakisht gjatë ditës së mërkurë, Qeveria e Kosovës në një mbledhje online miratoi ratifikimin e marrëveshjes, ndërkohë që Bordi Ekzekutiv i Korporatës së Sfidave të Mijëvjeçarit (MCC) e ka miratuar këtë në fund të qershorit.
Ceremonia po mbahet në Kongresin amerikan.