Ish-kryetarit të Kuvendit të Kosovës, Nexhat Daci, i është dhënë lamtumira e fundit.
Daci është varrosur me ceremoni shtetërore në varrezat e lagjes Dragodan në Prishtinë, në praninë e krerëve të shtetit, udhëheqësve institucionalë, akademikëve, familjarëve dhe miqve.
Gjatë ditës, në nderim të tij janë mbajtur homazhe në ambientet e Kuvendit të Kosovës, ndërsa është organizuar edhe Akademi Përkujtimore.
Në këtë akademi, presidentja e Kosovës, Vjosa Osmani, e ka vlerësuar Nexhat Dacin për rolin e tij kyç në ndërtimin e shtetit dhe konsolidimin e demokracisë në Kosovë.
Ndërkaq, kryeministri në detyrë, Albin Kurti, e ka cilësuar Dacin si shembull se si duhet zhvilluar beteja politike dhe si duhet funksionuar Kuvendi i Kosovës.
Artikuj të ngjashëm
-
Nexhat Daci vlerësohet për rolin në ndërtimin e institucioneve dhe konsolidimin e demokracisë
-
AShAK: Daci do të mbetet përgjithmonë i paharruar nga opinioni shkencor e arsimor i Kosovës
-
Qeveria ndan 10 mijë euro për mbulimin e shpenzimeve të funeralit për Dacin
-
Daci kujtohet si burrështetas që la gjurmë të pashlyeshme në ndërtimin e institucioneve
-
Abdixhiku: Daci u rreshtua me vendosmëri në shërbim të kauzës për liri