Në Malishevë, rrugët të kalueshme përkundër vështirësive

Aty-këtu me vështirësi, por përgjithësisht rrugët e territorit të Komunës së Malishevës janë të kalueshme, ka njoftuar të martën në mesditë për KOHËN, zëdhënësi i Komunës së Malishevës, Valmir Gashi.

Problemet më të shprehura janë kryesisht në fshatrat e Vargmaleve të Berishës, shkaku i konfiguracionit të terrenit.

Kryetari i fshatit Berishë, Eshref Berisha ka bërë me dije për KOHËN se kompania që i mirëmban rrugët në këtë stinë, e ka hapur rrugën për hyrje-dalje në këtë fshat dhe përkundër vështirësive banorët lokal kanë mundur të lëvizin për në qendrën komunale dhe vendbanime të tjera.

Berisha, Fshati i Ri dhe Divjaka janë të njohura për ortekët e mëdha që krijohen nga bora dhe këto fshatra duan përkujdesje të vazhdueshme pasi që mbyllen shumë shpejtë pasi të hapen.

Mirëmbajtjen e rrugëve të Malishevës këtë dimër sipas njoftimeve është duke e bërë kompania "Shkoza F 07".