Në Gjilan më 15 qershor nis vaksinimi masiv, do të angazhohen 20 ekipe

Në Gjilan më 15 qershor do të nisë vaksinimi masiv kundër COVID-19 siç do të nisë në gjithë Kosovën.

Vaksinimi në Gjilan do të bëhet në palestrën e sporteve “Bashkim Selishta – Petrit”, ndërsa do të angazhohen 20 ekipe të vaksinimit.

“Për gjithçka rreth vaksinimit do të bëhet njoftimi i qartë. Kategorizimi bëhet në bazë të moshës dhe i gjithë procesi do të shkojë në bazë të planit dhe në koordinim me të gjitha institucionet për të mbajtur rregull dhe rend. Komiteti i Emergjencave do të jetë vazhdimisht mbikëqyrës i këtij procesi dhe natyrisht edhe Ministria e Shëndetësisë. Është konfirmuar se ka vaksina të mjaftueshme për vaksinimin e çdo qytetari. Gjithashtu, vaksinimi i fazës së dytë sipas kalendarit do të bëhet për të gjitha ata që kanë marrë tashmë dozën e parë”, ka njoftuar kryetari i Gjilanit, Lutfi Haziri.

Haziri ka falënderuar Ambasadën e SHBA-së në Prishtinë për një donacion prej 2500 testeve rapide që i ka dhënë Gjilanit.

Haziri ka thënë se aktualisht janë vetëm shtatë rasteve aktive me koronavirus në Gjilan.