Mjekët specialistë kanë protestuar para Kuvendit të Kosovës për të kundërshtuar, siç thonë ata, vendimin që ka marrë Inspektorati i Punës që të anulojë konkursin për mjekë specialistë.
Inspektorati i Punës ka vendosur që të anulojë konkursin për rreth 220 mjekë specialistë. Kjo për shkak se konkursin e ka shpallur Ministria e Shëndetësisë e sipas tyre këtë është dashur ta bëjë ShSKUK-ja, raporton TV Arta.
Përfaqësuesi i këtyre specialistëve, Arben Ademi e quan absurd vendimin e Inspektoratit.
“Përmes kësaj proteste, ne kërkojmë që të mos anulohet ky konkurs, pasi që s’ka rëndësi se kush e shpallë”, ka thënë Ademi.
Artikuj të ngjashëm