Pozitivisht është vlerësuar procesi i zgjedhjeve lokale në Kosovë nga misioni i vëzhguesve të Bashkimit Evropian, raporton KTV.
Ky mision që ka vëzhguar pos zgjedhjeve dhe pjesën e fushatës, ka thënë se zgjedhjet e 22 tetorit kanë qenë më mirë të organizuar dhe më transparente se ato lokalet të 2013-s.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëto detaje janë dhënë në konferencën për media të këtij misioni e që janë të gjetura preliminare. Por, shqetësuese mbetet demokratizimi i procesit në komunat me shumicë serbe.
“Procesi zgjedhor kishte ndryshime të konsiderueshme në mes të komunave me shumicë shqiptare dhe atyre me shumicë serbe. Fushata gjithashtu u dëmtua nga kërcënimet brenda komunitetit me shumicë serbe të Kosovës, në veçanti u vunë në shënjestër subjektet politike jashtë Listës Serbe duke u bërë atyre presion që të tërhiqen nga gara”, ka thënë Alojz Peterle,Shef i Misionit të Vëzhgimit të BE-së
Vëzhguesit e këtij misioni kanë qenë në 466 vendvotime në të gjithë Kosovën dhe sipas shefit të tyre, nuk janë vërejtur incidente të mëdha.
Por, vëzhguesit kanë vërejtur votim familjar, probleme me listën zgjedhore dhe pastaj mosndjekje të të gjitha procedurave në procesin e numërimit të votave. Misioni i BE-së për vëzhgim të zgjedhjeve ka pasur më shumë se 100 vëzhgues në 38 komuna të vendit dhe sikurse në zgjedhjet e qershorit, ata janë ftuar nga institucionet e Kosovës për t’i vëzhguar zgjedhjet.