Ministrja greke: Në Bularat të Gjirokastrës nuk u ul asnjë flamur

Ministrja e Kulturës së Greqisë, Mirsini Zorba ka reaguar në lidhje për vrasjen e ushtarit 35-vjeçar në fashtin Bularat të Gjirokastrës.

Zorba shprehet se nuk është ulur asnjë flamur në Bularat, por të gjithë sipas saj janë valvitur lart.

Në reagimin e saj, ministrja tregon detaje gjatë qëndrimit në Gjirokastër, por shton se lajmin për vrasjen e shtetasit grek e ka marrë vesh pasi është larguar nga Bularati.

Sipas ministres së Kulturës greke, ushtari Kostandinos Kaçifa e kishte quajtur tradhti marrëveshjen mes dy qeverive për varrezat e dëshmorëve dhe nderimin e kujtimit të tyre.

“Sot, në varrezën e dëshmorëve në Bularat nderuam dhe ushtarët tanë grekë. Përkujtimore në vendin ku humbën jetën. Emocione mes maleve ku luftuan me patriotizëm kundër fashizmit. Kudo flamuj grekë, përfaqësues të qeverisë greke e shqiptare, ambasadore e Greqisë, deputetë, kryebashkiakë, nxënës, banorë të thjeshtë. Vendosëm kurorat, u dëgjuan fjalimet, himni shqiptar e grek, poezi nga fëmijët. U larguam në orën 15.00 qetë qetë, pa asnjë problem. Gjatë rrugës u informuam se një homogjenë kishte kërcënuar paradite me kallashnikov duke konsideruar marrëveshjen mes dy qeverive për varrezat e dëshmorëve dhe nderimin e kujtimit të tyre një tradhëti!. Asnjë flamur grek nuk ulën, të gjitha valvitën lart. Pas orës 15.00, në rrugën e kthimit u informuam se homogjeni u rrethua nga policia, i kërkuan të dorëzohet, nuk u dorëzua dhe e vranë. As që mund të imagjinonim në atmosferën tepër emocionuese të paradites këtë incident tragjik”, thuhte në reagimin e saj.

Përplasja mes ushtarit grek dhe autoriteteve shqiptare nisi rreth orës 10 kur po mbaheshin festimet e përvitshme që përkujtojnë të rënët e luftës italo-grek. Kostandinos Kaçifa ka qëlluar me armë zjarri kallashnikov, fillimisht në ajër, e më pas me breshëri në drejtim të punonjësve të policisë, që po afroheshin në drejtim të tij për ta vënë nën kontroll.

Edhe Arbëri 29 tet 2018 Policia e Shqipërisë sqaron vrasjen e minoritarit grek, qëlloi kundër forcave speciale

Të shtënat kanë shkaktuar vetëm dëme të vogla materiale te mjeti i policisë, si dhe një banesë e qendrës së fshatit.

U desh ndërhyrja e forcave speciale RENEA që të neutralizonin 35-vjeçarin. Edhe ndaj tyre Kostandinos Kaçifa hapi zjarr me armën automatike. Por në pëprlasje me forcave speciale RENEA, ai u vra.