Ministri i Mbrojtjes, Armend Mehaj në 10 vjetorin e bashkëpunimit në mes Gardës Kombëtare të Iowa-s dhe Forcës së Sigurisë së Kosovës, është pritur në Komandën dhe Shtabin e Përgjithshëm të kësaj garde, nga komandanti i saj gjeneral major Ben Corell dhe stafi i tij.
Mehaj ka shkruar në Facebook se me gjeneral Corell u pajtuam që dy forcat tona për një dekadë të veprimit të përbashkët kanë arritur në stadin që të veprojnë si një trup i vetëm.
“Me këtë rast para seminarit të përbashkët mes dy delegacioneve ushtarake, gjeneral Corell me njoftoi me disa kapacitete të aviacionit të tyre. Falënderim dhe mirënjohje e përjetshme për gjeneral Corell dhe të gjithë ushtarakët e Gardës Kombëtare për kontributin e madh dhe të pazëvendësueshëm për 10 vite, në ngritjen, zhvillimin dhe avancimin e aftësive dhe kapaciteteve operacionale të FSK-së. Vazhdojmë së bashku drejtë sukseseve të reja”, ka shkruar ai.
-
Komandanti i Gardës Kombëtare të Iowas dhe ambasadori Hovenier premtojnë mbështetje për FSK-në
-
FSK-ja zhvillon stërvitje të përbashkët me ushtarët e Iowas
-
Mehaj: Ngritja e kapaciteteve tona ushtarake zhvillohet në bashkëpunim me SHBA-në
-
Kurti dhe komandanti i Gardës së Iowas bisedojnë për sigurimin e pajisjeve të reja për FSK-në
-
Mehaj: Kudo ku është nevoja në territorin e Kosovës, FSK-ja do të jetë aty