“Me Pacollin në Novi –Pazar, sikur me Gjuriqin në Mitrovicë, por ...”

"Do të bëhesha malicioz sikur të thosha se Behgjet Pacolli po u përpoq të vijë në Novi Pazar, do të kalojë si Marko Gjuriqi, por kjo nuk do të ndodhë pasi Serbia është shtet i civilizuar".

Kështu, citon FoNet, ka thënë shefi i diplomacisë serbe Ivica Daçiq duke i përgjigjur interesimit të gazetarëve serbë për mundësinë e vizitës së ministrit të Punëve të Jashtme të Kosovë Behgjet Pacolli në Sanxhak më 21 dhe 22 korrik me ftesën e kryetari të Këshillit Boshnjak të Sanxhakut Sulejman Uglanin.

Por, ka shtuar ai “Serbia është shtet i civilizuar dhe organet shtetërore do të sillen në përputhje me ligjin”, transmeton Koha.net.

Daçiq ka thënë se vizita e Pacollit nuk është në kompetencë të tij dhe se për të do të vendosin organet shtetërore duke shtuar se në Sanxhak Pacolli mund të qëndrojë vetëm për vizitë private e jo si përfaqësues i Kosovës.

“Marrëveshjet politike zhvillohen në Bruksel e jo në Novi Pazar”, ka thënë ai.

Arrestimi ,e më pas lirimi po atë ditë, i Marko Gjuriqit u bë më 26 mars në Mitrovicë nga Policia e Kosovës.