Ministri i Financave, Hekuran Murati, ka bërë të ditur se numri i familjeve kosovare që kanë kursyer energji elektrike gjatë muajit dhjetor e që do të përfitojnë nga subvencionimi, është më shumë se 208 mijë.
Murati ka shkruar të mërkurën në Facebook se llogaritja e kursimit për muajin dhjetor tashmë mund të shihet edhe në llogaritë online të KESCO-s.
“Për më shumë se 208 mijë familje që kanë kursyer energjinë, Ministria e Financave ka përllogaritur dhe procesuar ? për faturën e muajit dhjetor, dhe kjo tash mund të shihet në llogarinë tuaj online me KESCO me përshkrimin 'GOVSUB – Energy Saving/2022/P12'. Kursejeni energjinë elektrike!”, ka shkruar Murati.
