Ministri i Financave, Hekuran Murati, ka bërë të ditur se numri i familjeve kosovare që kanë kursyer energji elektrike gjatë muajit nëntor e që do të përfitojnë nga subvencionimi është 180,276.
Murati ka shkruar të premten në Facebook se llogaritja e kursimit për muajin nëntor tashmë mund të shihet edhe në llogaritë online të KESCO-s.
Sipas tij, për ata që kursejnë gjatë muajit dhjetor, subvencioni do të procesohet në muajin janar.
“Për ata që kanë kursyer energjinë, Ministria e Financave ka përllogaritur dhe procesuar edhe ? për muajin nëntor, dhe kjo tash mund të shihet në llogarinë tuaj online me KESCO me përshkrimin “GOVSUB – Energy Saving/2022/P11”. Për nëntor, janë 180,276 familje që kanë plotësuar kriteret për subvencionim. Për ata që kanë kursyer energjinë elektrike gjatë muajit dhjetor, subvencioni do të procesohet në muajin e ardhshëm. Çdo kË i kursyer rezulton me faturë më të lirë për ju, subvencion të faturës nga shteti, e më pak import për shtetin. Qeveria për Familjet”, ka shkruar Murati.
Subvencionimi i faturave të energjisë elektrike për ata që e kursejnë atë ka nisur në shtator.
Edhe
Mbi 208 mijë familje që kursyen rrymë në dhjetor do të subvencionohen
Sipas ministrisë së Financave, subvencioni llogaritet duke dyfishuar përqindjen e kursimit.
“Pra 2x20%=40%, dhe aplikohet ne vlerën e faturës së muajit aktual. Pra nëse fatura e shtatorit është 40 euro, për shkak se keni kursyer, ju përfitoni subvencion 40% x 40 euro, apo 16 euro”, ka shpjeguar Murati gjatë muajit nëntor.
-
Nis subvencionimi i kursimtarëve të energjisë, mbi 167 mijë konsumatorë plotësuan kriterin
-
Murati: Mbështetja për familjet e cenueshme për faturat e energjisë do të riaktivizohet dimrit
-
Nis subvencionimi i rrymës, në grupin e parë përfitojnë mbi 40 mijë familje
-
Rreth 21 mijë familje me asistencë sociale do të subvencionohen për blerjen e lëndëve djegëse