Zëdhënësi i Qeverisë, Arlind Manxhuka ka reaguar pasi protestuesit kapën dhunshëm deputetin e Lëvizjes Vetëvendosjes, Fahrush Rexhepi dhe e drejtuan drejt hapësirës së Kuvendit të Kosovës.
Manxhuka ka thënë se Lëvizja Vetëvendosje ka qenë gjithmonë ballëhapur, duke iu referuar kundërshtisë që nga viti 2015 për Gjykatën Speciale, derisa ka vazhduar me “e ju goditni deputetët e LVV-së, ushtarët e UÇK-së e vëllezërit e dëshmorëve”.
Manxhuka është shprehur se ndërgjegjja e tyre politike është e pastër si loti.
“Ballhapur përpara secilës temë. Edhe karshi Gjykatës Speciale. Protestuam me kohë, ngritëm alarmin kur duhej, treguam me vakt. Sot, sërish ballhapur, votuam PËR në propozimin e atyre që më 2015 nuk na dëgjuan. E ju goditni! Goditni deputetët e LVV-së, ushtarët e UÇK-së, të burgosurit politik, vëllezërit e dëshmorëve. Ndërgjegja jonë politike është e pastër. Si loti”, ka shkruar Manxhuka.
Deputeti Rexhepi teksa po dilte nga hapësira e Kuvendit të Kosovës, u kap dhunshëm nga protestuesit për ta kthyer brenda.
Rexhepi ka një vëlla dëshmor i cili ka qenë pjesë e Brigadës 138 “Agim Ramdani”, Njazi Rexhepi i rënë në Betejën e Koshares. Vëllai tjetër, Jonuz Rexhepi është veteran i Ushtrisë Çlirimtare të Kosovës.
LIVE: Votohen në parim ndryshimet në Ligjin për Specialen, protestuesit s'lejojnë deputetët të largohen
-
Deputeti i LVV-së dhe Bislimi kthehen dhunshëm brenda hapësirës së institucioneve të Kosovës
-
Zëdhënësi i VV-së i përgjigjet Ramës: Në cilat organizata e keni ngritur padrejtësinë që po bëhet në Hagë
-
Çlirim Haziri fton qytetarët para Kuvendit: Sot s’ka vend për heshtje
-
Haxhiu u bën thirrje protestuesve për qetësi: UÇK-ja nuk mbrohet me dhunë
-
Kuvendi pritet të dalë me deklaratë kundër dënimit ndaj ish-krerëve të UÇK-së